القائمة الرئيسية

الصفحات

اذاي ميضحكش عليك ف لاب توب استيراد .

نصائح مهمة جدا  لشراء لاب توب مستعمل أو استيراد 2021

نصائح مهمة جدا  لشراء لاب توب مستعمل أو استيراد 2021

 ناس كتير مننا بتشتري لاب توب استيراد أو مستعمل وبتنخدع من المظهر الخارجي لكن ال جوا بيبقا حاجة تانية خالص ،
ف بعد شهرين أو تلاتة بتلاقي حاجة غير ال انتا اشتريتها  تماما ، في المقالة دي هناقش معاك من الالف للياء كيفية شراء لاب توب مستعمل ،
 وميضحكش عليك وتطلع بأقصي استفادة ممكنة ومن غير أي خسائر باذن الله .

نصائح لشراء لاب توب مستعمل أو استيراد 2021؟


1- المكان ال بتشتري منه اللاب لازم يكون سمعته كويسة ودة بيعتمد علي المكان ال انتا موجود فيه وكمان بيدي ضمان علي اللاب من 14 يوم أو شهر علشان تلحق تجرب اللاب كويس وتتأكد انه مناسب ليك .

2- اللاب توب بيختلف عن الكيسة ف ان المعالج المركزي أو ما يسمي ب ال processor بيكون ثابت يعني مينفعش تغيره تاني بعكس الكيسة ينفع تغيره عادي جدا فلازم يكون المعالج المركزي أو ما يسمي ب ال processor كفائتة عالية وأصلي .

3-في ناس كتير واخدة فكرة وحشة عن اللابات الاستيراد وانها مش بتستحمل بس لو انتا عرفت تختار المكان الصح والارشادات ال هقولك عليها ممكن يكون معاك لاب أحسن من الجديد.

برامج اختبار اللاب الاستيراد أو المستعمل  :

وهنا لازم تحمل بعض البرامج علشان تختبر كل قطعة في الجهاز بتاعك وتعرف كفائته عالية ولا تعبان .، وأهم قطع تختبرها هيا كارت الشاشة والهارد والشاشة نفسها من حيث انها فيها pexels أو ألوانها مش ظاهرة .

كارت الشاشة :

وهنا هقولك علي أفضل برامج لاختبار كارت الشاشة :

1- برنامج Furmark.
2-برنامج 3D Mark.
3-برنامج Msi Kombustor.

الهارد :

وهنا لازم تختبر حاجتين مهمين في الهارد وهما رقم 1 ال health بتاع الهارد ، رقم 2 هل الهارد عليه  bad sector ولا لا ؟

برامج اختبار Hard Health :

1- Hard Disk Sentinal
2-CrystalDisklnof

ادوات اختبار Hard Bad Sector:
1-Hdd Regenerator.
2-Hdd Scan.

شاشة اللاب توب :

وطبعا لازم تشوف هل الشاشة مكبسلة ولا لا وتشوف الوان الشاشة علشان مش بتظهر معاك غير لما تلعب لعبة فلازم تحمل برنامج 
يشوف هل الالوان سليمة ولا لا .

أول وأهم حاجة الشاشة ميكونش فيها بقع سودا .

تاني حاجة بتدخل علي الموقع دة http://lcdtech.info/en/tests/dead.pixel.htm  وتشوف الوان الشاشة كويس ولا لا
بتدوس start test وتشوف الاوان جايبة معاك أحمر وأصفر وأزرق وهكذا .....الخ .

نصائح اضافية للاب توب المستعمل 2021 ؟

1-تشوف الكيبورد هل الازرار بتعلق معاك أو هل في ازرار مش بتكب .
2- تشوف جميع المداخل بتاع اللاب توب هل شغالة ولا لا الاماكن ال بتدخل فيها الفلاشة وال mouse وبالمرة كارت ال
lan ال هوا بتاع الانترنت .
3- تجرب اسطوانة علي ال CD Room وتشوف ظهرت ولا لا .
4-البطارية والمعدل بتاعها بيكون من ساعتين ل 3 ساعات فللازم تخلي اللاب شغال الفترة دي وتشوف هل بيسرب شحن 
ولا لأ .
5- ال toch bad او الماوس ال موجود في اللاب لازم تشوفه شغال كويس سريع ولا بطئ .

الفرق بين لاب توب الاستيراد والمستعمل ؟

هوا في فرق اصلا بين الاتنين دول ؟
الاجابة :اه في فرق .

اللاب الاستيراد :

الفرق هنا ان اللاب الاستيراد بيكون جي من شركة خارجية يعني بيكون استعمال خارجي من الدول الاوروبية وبيكون ف المتناول من شهرين ل 3 شهور والحاجة بتكون مضمونة أكتر وهنتكلم اذاي .

اللاب المستعمل :

اما بقي اللاب المستعمل ف دة انت بتشتريه من حد انتا عارفه سواء صاحبك أو معرفة خارجية أو من موقع سوق ،
والنوعية دي من اللابات بيكون انتا وحظك والسعر بيكون ف اختلاف كبير وكمان الاستعمال ممكن يكون سنة أو أكتر .


هل اعجبك الموضوع :

تعليقات

التنقل السريع